As augas mestas son as zonas dos ríos onde confluen dous ríos.

Tamén se chaman: entrelorríos, entrambos ríos, entrasaugas,  as mestas, axuntanza,  entre ríos, etc.

 

Río Louzara na súa confluencia co río Lor. Un claro exemplo de augas mestas ou de axuntanza de ríos.

Na fotografía o río Navea en Chandrexa de Queixa recibe pola esquerda o regato de Torneiros, xusto na Ferrería. Sin dúbida nese lugar son augas mestas.

Na fotografía o río Miño recibe o río Lonia.  Son augas mestas nese lugar. Por certo o Lonia é un afluente pequeniño do río Miño en Ourense, un río que require máis cuidados dos que se lle dan. É unha auténtica pocilga natural.

Na fotografía de xaneiro do 2002 o río Viñao pola esquerda e o río Avia por debaixo do pontillón, por certo con moi pouquiña auga. O lugar onde se xunta son augas mestas ou axuntanza. Por certo a axuntanza e no pobo de Salón, preto de Leiro en Ourense.

Na fotografía de maio do 2010 vese como o río Lor se xunta co río Sil precisamente en augas mestas. A estos lugares chámanlle entrelorrios, ou simplemente axuntanza. Unhas obras que se están a facer no encoro de San Estebo deu lugar a esta baixada de nivel do encoro e a esta fotografía.

Na fotografía, sacada do libro Olelas na lembranza, vese a zona onde se xuntan o río de Olelas e o río da Peneda o río Tibo. O lugar según  Alberto Pérez Adán,  autor do sensacional libro citado, chámase entrasaugas. Por certo as montañas de enfrente son de Portugal e a marxe esquerda do río é España.

Saír.