Olelas
na lembranza é un sensacional libro de lembranzas sobre
o pobo de Olelas situado na provincia de Ourense xusto na raia con
Portugal. Un pobo que para o autor do libro,
Alberto Pérez Adán, é "un recuncho aínda
case virxe, un lugar paradisíaco, un pequeno mundo aillado...un
lugar encantador onde inda é posible camiñar un pouco
entre as árbores, as rochas e os toxos sen atopar tirada unha
botella de plástico, un pneumático vello ou todo un vertedoiro
clandestino..."
Un libro que na miña opinión é
unha xoia que dende estas liñas lle agradezo o autor; para mín foi
unha ledicia e un placer a súa lectura; moitos párrafos son
insuperables e de feito puxen no apartado de
prosas, desta
páxina web, dous deles marabillosos .
O libro está escrito en
galego, pero un galego especial na maioría das veces, o que se fala
en Olelas, medio galego medio portugués. Está editado por Imgrafor
S.A. no ano 2008, gracias as axudas , entre outros, da Xunta de Galicia e
do Concello de Entrimo.
A verdade que a única forma de
conseguilo é desplazándose a Entrimo e solicitanto un exemplar no
Concello e non coa seguridade de que vos fagades con el. Eu tuven
sorte e conseguín un exemplar de mans do Alcalde, Ramón Alonso, cousa que lle
agradezo, o día 14/01/2011.