Barranco

 

Un barranco é unha creba profunda producida na terra por un río ou corrente de auga. En realidade trátase dun terreo profundo e escarpado.

Tamén se chama precipicio, cavorco, cavarco, cavarca, barronca, fondada, barronqueira, barranqueira, cavanca, cavaixe,  groba, gorbia, etc.

Na fotografía de Francisco Diez vese perfectamente, a dereita da foto,  unha barranca ou barranco. Tamén se lle chama precipicio. Os pescos sabemos que non é doado pescar por esa beira,  salvo na estiaxe. Por outra banda é peligroso.

Na fotografía vese un barranco, neste caso producido pola apropiación indebida dunha canteira, en Ourense. En Xubín. Trátase do río Fareixa. O propietario está denunciado pero nin caso; debe ter boas agarradeiras. Por detrás hai unha fervenza marabillosa, cunhos muíños tamén moi bonitos, pero a zona está quedando impresentable. O lector pode darse idea do que é un barranco ou unha barranca.

Esta é a fervenza que está detrás do barranco da fotografía anterior. A dereita hai unha canteira que todo o que quita da montaña vai tirando o río, neste caso o río Fareixa. A canteira produce, polo tanto,  o barranco anterior e o destrozo total da zona. A palabra barranqueira utilízase pola Terra de Cotobade, así aparece no "Vocabulário ilustrado da Terra de Cotobade" de Ramiro Barros Justo.

Saír.