"Pescar a vella" é coller a troita máis grande do pozo.
Nas miñas andanzas de pesco polos ríos de Galicia sempre se fala dunha troita grande collida nos distintos ríos e de troitas enormes nun pozo determinado. Pois ben, sempre se dice anda a "vella" por ese ou outro pozo...
No que sigue tendes unhas cantas troitas que ben poderían ser a "vella" do pozo, e en moitos casos seguro que ó era...
Troita común de río.
Botou 3,00 kg. e foi collida, a culleriña, en Pontegrande no río Arnoia, polo meu amigo e compañeiro de pesca Alberto Prego, por certo con axuda doutro amigo Félix Valeiras.
Dimensións: 65 cms.
Observar a proporción entre a cabeza e o corpo (sobre 4:1 ou 5:1). Unha troita moi estilizada e vese fácilmente que non é unha "pachanga"...
Seguro que era a "troita vella" do pozo.
....
Troita común de río. Botou 2,200 kg. e foi collida a pluma, no río Miño en Ourense, polo meu amigo e compañeiro de pesca Felix Valeiras.
Trátase dunha femia.
Dimensións: 58 cms.
Observar a proporción entre a cabeza e o corpo (sobre 4:1 ).
Por suposto no río Miño inda quedan troitas de moito peso, esta é unha delas.
Seguro que era a "troita vella" do pozo.
......
Esta troita non debera figurar nesta relación, pero figura. E figura xa que foi a maior troita que collín na miña vida, e eu, soio eu, son o dono da web, así que ahí van os datos: 1,600 kg de peso 58 cms. e collida con fio do 16 mm. e unha plumiña pequena, moi pequena. Río Limia en Aceredo (1972), hoxe debaixo dun encoro. Saqueina rápido do río, é coña, en 45 minutos máis ou menos...disfrutei a tope, marabilloso...
Seguro que era a "troita vella" do pozo.
......
Troita bastante boa conseguida polo meu amigo Quico, que foi Presidente da Asociación de Pescadores de Ribadavia, cando eu estaba traballando precisamente nesa vila e collín a gran aficción que teño a pesca actualmente...
Non sei os kgs. que botou, pero polo tamaño e o aspecto andaría polos seis kgs.
Troitas deste tamaño había moitas no río Avia e por suposto no río Miño.
Non era doado collelas, pero especialistas había. Daquelas pescábase moito con peixe vivo. Hoxe está prohibido...
A fotografía é da súa filla Mª José e está sacada do seu blog.
Seguro que era a "troita vella" do pozo.
Troita sensacional, observar que está moi delgada pero que pasa do metro de lonxitude. Foi conseguida polo meu amigo e compañeiro de traballo Braulio; que fai pouco nos deixou.
Non sei os kgs. que botou, pero polo tamaño e o aspecto andaría polos cinco kgs.
Troitas deste tamaño había moitas no río Avia e por suposto no río Miño.
A fotografía está sacada do blog "Cajón de los recuerdos". Na foto aparecen Javier Miguez e Braulio Soto, Xavier ten a cesta chea de troitas.
Tamén a seguinte é do río Avia en Ourense...
Braulio falleceu recentemente.
Onde estés amigo unha aperta.
Seguro que era a "troita vella" do pozo.
Esta fotografía está collida, o que se dice pescaba e ben pescada por un rapaz entrañable para mín. Un alumno da miña época inesquecible en Ribadavia como profesor de matemáticas no ITEM de Ribadavia, e un amigo actualmente.
Trátase de Amando Canitrot que me remite este texto: "Bos días, Secundino!. Mándoche unha foto miña, con unha troita que pesquei cando tiña 15 anos (fai 39 anos), en 1.970. Lugar de pesca: presa do muiño do Raiña, na Foz (Ribadavia). Pesou 3,5 Kg. pero non me lembro da medida, ainda que tendo en conta que eu xa medía 1,70-1,75 m., a troita podería ter entre 50 e 60 cm"
A troita foi pescada no río Avia. 1970.
¡Que grandes ríos o Avia e o Miño naqueles tempos, dos mellores do mundo...!.
Hoxe defenestrados...
Seguro que era a "troita vella" do pozo.
Troita coñida polo meu alumno Manel (alumno de matemáticas, non de pesca) de Ribadavia- Ourense, seguramente no río Avia.
A troita bota por riba dos tres kilos.
Manel sempre foi un pescador experimentado e de feito inda hoxe en día participa en campeonatos e con moi boas clasificacións.
A fotografía mándame Luis Lerox dende o país vasco.
Seguro que era a "troita vella" do pozo.
Este exemplar de troita foi pescado seguramente no río Miño en Castrelo, tratase dun exemplar que supera o metro de lonxitude e que seguramente andaría polos 8 kg.
Troitas deste calibre colléronse en tempos no río Miño.
Na fotografía vese a Lebón, o pai de Álvaro, un amigo para mín nos meus tempos de Ribadavia anos 1968-1977.
Lebón falleceu recentemente.
Onde estés amigo unha aperta.
Seguro que era a "troita vella" do pozo.
Esta troita (moi parecida a anterior de Lebón), que apenas se distingue (a calidade da fotografía é minima, 21 kb.) bate tódolos recors das troitas anteriores xa que ten unha peculiaridade, foi pescada nun pequeno regato de Lalín en maio do 2010. A troita pesou 7,5 kg. e medía 94 cms. Unha troita moi grande máxime si se coñece, como é o meu caso, a tosta onde foi pescada, nun regato o río Seixas que é un afluente pola esquerda do río Deza. Observar a proporción da troita, totalmente estilizada cunha cabeza moi grande e unha proporción aproximada 5:1.
A troita resulta incrible que pudese vivir nesa tosta de non máis de dous metros de profundidade e non moi longa.
Seguro que era a "troita vella" do pozo.
Saír.