Son abondosos nas beiras dos ríos galegos, sempre que teñamos un monte o redor. Na fotografía vense carrascos, que tamén se chaman carrascas, queirugas, queiroas e brezos en castelán. É moi abondoso en Galicia. As veces os montes están cheos de carrascas ou brezos que producen unha cor única.
CARRASCA ou QUEIRUGA
Descripción: Arbustillo moi ramificado, con pubescencias gris ou casi lampiño. Chega a un metro.
Follas de 2-3,5 mm, adosadas, espaciadas nos brotes principais e densamente imbricadas en 4 filas, nas ramas laterais, non floríferas.
Curiosidades:
As veces é sensacional o colorido que lle da o monte galego.
Ver a alternancia: en primeiro plano as carrascas, logo a carqueixa e no fondo son xestas.
A fotografía está sacada na Serra de Calvos, a carón de Vilasouto, no concello do Incio en Lugo.
Nomes:
En galego chámanse carpazas, tamén carpanza, quiroa, e tamén queirugas ou queiroas. Tamén anoto o nome de queiruga de cruz.
En castelán brezos.
Bioloxía: Bota as flores no verán.
Flores púrpura, con pecíolo corto, en estreitos racimos ou panículas; xeralmente con 6-8 bracteolas, sendo as 4 superiores como pétalos. Sépalos membranosos de 3-4 mm., oblongos, lila-rosados ; corola pequena e escondida, 8 estames.
Distribución:
Atópase en brezais, bosques claros e dunas, en terreos ácidos como a maioría dos galegos.
Por suposto preto dos ríos de alta montaña, que teñen a carón un monte.
Pola zona de Albarellos, nas ribeiras do río Avia en Ourense, hai montes cheos de queirugas, sensacionais.
Mediciña:
Emprégase como antiséptico das vías urinarias, tamén como antediarreico.
Monte no Rodicio en Ourense onde alternan as carqueixas en primeiro plano, os brezos ou carrascos e as uzes.
No Parque do Xurés en Ourense existen como 10 tipos distintos de Brezos dende a Calluna vulgaris desta ficha, pasando pola Daboecia, a Erica umbellata (da fotografía) ata a Erica cinérea. A súa identificación require unhas claves que se poden atopar no libro "Guía de la flora del Parque Natural Baixa Limia Serra Xurés" de Íñigo Pulgar.
O texto, salvo pequenos comentarios, está copiado do sensacional libro "Claves para flora de España" de Mariano Garcia Rollán. 1981.
O dibuxo é de Otto Wilhelm Vitalba. Sensacional.
Brezos no río Navea. Chandrexa de Queixa. Ourense.
Saír.
Saír.