Saxifraga spathularis. Abelairiña

Saxifraga spathularis. Abelairiña. Saxifraga espatulada

A fotografía está sacada no regato que baixa de Taboazas, xusto antes de desembocar no río Navea en Chandrexa de Queixa (Ourense); onde están as pondras de paso.

Esta Saxifraga é abondosa na zona e dende logo moi vistosa.

Ver características.

Saír.

Saxifraga-Abelairiña.

Xusto por riba dunha das pedras deste regato estaba esta abelairiña. Eu penso que o internauta pode localizala por riba dunha das pedras que ten musgo.

O lector debe saber que a Saxifraga spathularis , en galego chámanlle abelairiña, abrairiña ou abreiriña, nomes que saquei do novo proxecto sensacional Anthos. Ver esta ficha.

O que si está claro son dúas cousas, unha a marabilla desta pranta e duas que está a carón dos ríos galegos...

Tamén aparece no Courel, concretamente na Devesa da Rogueira que foi o que me fixo cambiar a clasificación da planta. Efectivamente aparece nos carteis na subida a Rogueira.

A misma planta despois de oito días tiña este aspecto...

Fotografías sacada na Devesa da Rogueira no Courel o 14/11/2007. En plena subida xa preto das fontes esta pranta é moi abondosa, no lugar abundaban os regatos.

Abelairiña na Devesa da Rogueira no Courel. Foto de Secundino Lorenzo.

Trátase dunha planta herbácea vivaz que non alcanza o medio metro de altura. Xeralmente dase en zonas de montaña e a carón dos ríos e regatos.

As follas están en forma de roseta basal.

Ten un tallo con pelos groso, longo e dentado.

As flores teñen 5 pétalos.

En castelán é a saxifraga espatulada.

Volver.