Imago.

Ninfa.

Este insecto na súa  forma de imago é coñecido como nome de "Moscas das Pedras" e mosca de maio. Trátase dun Plecóptero que pode botar ata 5 cms ( o normal está entre 25-35 mm.).  As ninfas son carnívoras e dende logo o estado final parécese o inicial, cousa que non pasa con outros insectos que teñen metamorfosis.

Dentro dos Plecópteros é un pérlido. Da familia dos Perlidae.

Esta insecto en estado de ninfa é a chamada Gusarapa ou bechoco en Galicia. O que pasa é que en Galicia a que existe é a Perla matritensis que é moi similar.

Chámase moscas das pedras xa que a ninfa sae do fondo reptando ata pedra e alí rompe a súa pel e sae a voar xa en forma de imago. O proceso é incrible.

Perla madritensis

(Gusarapa)

En Galicia da familia dos Perlidae viven tres especies a Dinocras cephalotes (que moitos autores que se dedican a escribir libros de pesca lle chaman Gusarapa), aquí atópase, de momento, nos ríos da montaña de Lugo. A Perla madritensis que é a da fotografía que é a máis común e que se atopa en todo Galicia e a Marthamea selsysii que soio se atopou no Miño por Cospeito,Lugo e no Tambre.

As tres son a efectos de pesca a Gusarapa.

Outra fotografía

Dibuxo da gusarapa

Gusarapa ou bechoco.

Gusarapa.

Imago. Gusarapa transformada en mosca de maio. Primeiro momento.

A misma anterior pero máis oscura. Xa mosca final.

O bechoco (gusarapa) é polo tanto a ninfa é atópase debaixo das pedras, pode collerse levantando as pedras e levando unha pequena redecilla.

Dende logo é un cebo especial para as troitas e utilizase moito sobre todo nos ríos de Lugo.

É moi efectivo.

Estas gusarapas viven varios anos baixo as pedras dos ríos de montaña que estén limpios e sin contaminar. Xa quedan poucos.

Aliméntanse de pequenos animais que devoran con moita avidez.

Resulta espectacular ver como suben, por maio, as pedras dende o fondo do río ata a cima, onde xa non hai auga. Alí por debaixo da cabeza vai aparecendo a mosca, ou sexa o imago en principio dun tono amarelo coas as plegadas.

Rápidamente desplega as súas ás e no mesmo día vólvese oscura.

Seguidamente voa, aparease co macho que é máis pequeno e vota os ovos en grandes cantidades no río.

Este é un momento que aproveitan as troitas para dar conta destas moscas que son auténticas perlas ou moscas de maio.

Nota: na pesca da troita resultan efectivos os dous estadios, como gusarapa e como mosca no último estadio. De feito vín pescar con mosca viva e buldó, e podo garantizar que cada mosca daba unha troita.

Por suposto tamén a pesca con gusarapa, o primeiro estadio, é moi efectiva como xa está dito.

Ver fotografías deste proceso marabilloso do paso de bechoco a mosca das pedras.