Entre os arácnidos de río, en Galicia, o máis famoso é o que aparece na figura.

 Esta araña tece as súas teas, bastante simples por certo, nas plantas da ribeira, como por exemplo o xunco.  A mañanciña cando hai xiada pódense ver estas telas cheas de gotiñas; algunhas parecen xoias auténticas.

A araña sempre agarda entre os xuncos e espadainas e non é doado vela.  De tódolos xeitos si algo toca na tela acudirá rápidamente; usan o teléfono de fios dende moito antes que o home. Non lle falla.

      Ver características.            Saír.

Nome científico:

Tetragnatha montana, Simon 1874.

Taxonomía:

Reino: animalia

Clase: Arácnidos

Orden: Araneae

Familia: Tetragnathidae

Xénero: Tetragnatha

Especie: Tetragnatha montana

Nota: en algúns manuais figura como a araña típica de río a  Argyronetra  aquatica, chamada araña de auga, que é a que aparece metida nunha bolsa que ela misma fai,  e que lle permite vivir no fondo do río alimentandose de insectos,  tanto no fondo como na superficie.

Pois ben, esta araña non existe en España, polo tanto non existe en Galicia, está claro.

O feito de coller á Tetragnatha,  como representante da chea de arañas que hai a carón dos nosos ríos e regatos, penso que cae de caixón...

Ir a características

Nome galego:

Araña de río.

Ir a características

Nome castelán:

Araña de río.

Ir a características

Dimensións:

Femia ( izq) .                    Macho (dereita).

Entre 15 y 25 mm. A femia é moito máis grande que o macho, polo menos o corpo.

De tódolos xeitos hai varios tipos dentro das tetragnathas, inda que coido son moi similares. As fotografías correspóndense a variedade "montana".

Identificación:

Como todos os arácnidos poseen 4 pares de patas o que a distingue dos insectos. Esta araña atópase preto dos ríos, gusta moito da zona onde hai xuncos, ten unhas patas moi longas, entre duas e tres veces o corpo. Como todas o seu corpo ten duas partes moi diferenciadas, a dianteira que neste caso é pequena e a traseira que é máis blanda.

O seu corpo é bastante tubular é ten cor verde con brillos metálicos.

A parte anterior soporta tódalas patas, ademáis dos palpos e os ollos. Os quelíceros veñen a ser como dentes venenosos.

Ir a características

A súa tea:

A súa tea pode verse perfectamente ó achegarnos á beira dos ríos, sobre de todo nas mañas de orballo, xa que veremos xunto os xuncos e espadainas unhas arañeiras con pouco máis dunha ducia de radios circulares onde o centro está sin rematar.

A araña aparenta ausente, pero si temos paciencia e buscamos non moi lonxe da tea de araña atoparemos a tetragnatha ... seguro.

A femia é a única que fai arañeiras.

O macho debe adicarse únicamente en procurar as femias da súa mesma especie.

Ir a características

Alimentación:

É coma todas as arañas: carnívora. Gustánlle moitos todo tipo de insectos. Neste caso comen volvoretas, moscas, mosquitos, efémeras, tricópteros, etc.

Eiquí vese que a arañeira non é unha xoia, pero é efectiva.

Ir a características

Habitats:

Nos prados a beira dos ríos. 

Non é doado vela salvo que se teña paciencia.

 De tódolos xeitos si algo cae na tela acudirá rapidamente. 

Usan o teléfono de fios dende moito antes que o home. Non lle falla.

Ir a características

Esta araña vese...

De maio a octubro.

Ir a características

Reproducción:

O seu apareamento é moi característico, xa que o macho si non anda listo pode morrer no intento. É polo que, o primeiro que fai, é coller coas suas mandibulas as da femia e logo aparearse. Non é de todo tonto...

Ir a características

Protección:

Non están protexidas que eu sepa.

Ir a características

Curiosidades:

A súa técnica de camuflaxe é por as súas patas o longo do soporte onde están. Técnica que tamén utilizan para camuflar os ovos.

Pido perdón a esta araña:

Dende estas lineas pídolle perdón a nosa araña. Pídolle perdón como pescador.

¿Por qué ?.

Non sei si vos terá pasado , pero a mín moitas, moitísimas veces, que pescando a troita en río difíciles, o subir polo río e ter que meterme por esos lugares, levar por diante, moitas arañeiras, e por suposto conmigo tamén a araña. 

Si non vos pasou esto é que non  pescades "fino", eu teño feito de todo.

Por eso pídolle perdón...

Eu sei que mo dará...

Ir a características

Aquí pódese apreciar perfectamente as perliñas que formou a xiada nunha tela de araña.

Marabillosas.

De tódolos xeitos está arañeira non é a da Tetragnatha.

A arañeira da nosa araña é moito máis simple e feita doutro xeito, simplemente con 10 ou 15 radios saintes e pouco máis. O centro semella como pouco traballado.

De tódolos modos vese o que se quere decir das perliñas que forma a noite de orballo.