....

O Meu Burriño.

   

Manuel María canta o seu burriño.

Poema copiado do libro : Os soños na gaiola.

---------------------------------------------------------

O meu burriño

 

Arre, corre,

meu burro trotón,

meu burriño manso,

meu burriño bon!

 

 

Corre, meu burriño

non galopes, voa!

A ver se lle gañas

ao vento que zoa!

 

 

Arre, meu burriño,

non seas preguiceiro!

A ver se lle gañas

ao vento lixeiro...!

 

 

Corre, meu burriño,

nos cascos pon ás!

Se queres, ao vento

deixarás atrás...!

 

 

Arre, meu burriño!

Corre máis deprisa,

que, se perde o vento,

xa verás que risa...!

 

 

  Volver a ficha do burro