|
Nidificante/Estival , de interés especial. |
|
Nidificante/Estival , de interés especial. |
VENCELLO COMÚN: características.
Nome científico
Apus apus (Linn.)
Taxonomía:
Clase: aves
Orden: Apodiformes.
Familia: Apodidae
Xénero: Apus
Especie: Apus apus
Nome galego
Vencello, vencello común, birrio, cirrio, anduriñón.
Outros nomes: en Portugal chámase Andorinhao preto, en Cataluña Falciot negre e en Euskadi Sorbeltz arrunt.
Nome castelán:
Vencejo común
Dimensións
Sobre 16,5 CMS. Envergadura sobre 42 cms. de media.
Identificación:
Sexos iguais.
Totalmente negro, a non ser unha pequena mancha clara na gorxa, moi dificil de ver.
Picos cortos, boca grandes. Ás moi grandes, longas e lixeiramente curvadas.
O rabo e gallado, a plumaxe negra, un pouco máis clara na gorxa.
Parece unha andoriña.
Ten un voo moi forte, aerodinámico, rapidísimo, bate as ás constantemente e por veces tamén planea pero pouco.
No solpor voan moi , moi arriba.
Moita xente confunde os vencellos coas anduriñas comúns e coas andoriñas de cu branco, distínguese de forma doada toda vez que os vencellos teñen as ás en forma de gadaña e a cola curta.
...
Este é o vencello ou cirrio, ás en forma de lanza ou gadalla de segar e cola corta. Papo blanco. A cola é ahorquillada pero moito máis corta que na anduriña. O voo é moito máis rápido que a anduriña e os sonidos son moito máis ruidosos.
Esta é unha andoriña normal. As ás son distintas e a cola e longa e moi distinta tamén. Papo vermello e dende logo a cola moi ahorquillada e longa.
No son tan rápidas nos seus vós e fan menos ruido o voar.
Esta é a andoriña de cu branco.
Vencello común no ceo.
Fotografía sensacional de Jiri Bohdal.
Alimentación:
Insectos que captura en voo. Gústanlle moitos as moscas, os pequenos escarabellos e as polillas.
Habitats:
Vense en campo aberto e tamén sobre masas de auga.
Os cirrios son os mellores voadores do ceo. Rápidos é precisos.
Chegan na primeira quincena de abril. Marchan a primeiros de agosto. Veñen do norte de África.
Viven nas gretas dos edificios, que lamentablemente según a construcción moderna van a menos. Ver o artigo sobre o chamamento os Arquitectos para resolver estos problemas.
Niños:
Descoñezo o autor desta sensacional fotografía.
Aniña a finais de maio ata agosto. Cría en buracos de construcción e baixo tellas. Pon de 2 a 3 ovos brancos que chocan ámbolos sexos durante 18 días; os polos voan ás cinco semáns.
Ver o problema que teñen os vencellos actualmente para facer os seus niños.
Vese nos meses:
Todos os anos as mismas familias, dende finais de abril ata agosto. En agosto volven para Africa.
En Ourense tamén se ve o cirrio pálido (Apus pallidus), moi similar o anterior pero un chisco máis palida e coa mancha no papo máis extendida. Seica se ven en Ourense, Monterrei, Verín e Xinzo de Limia. Chega en marzo.
Apus pallidus, descoñezo o autor da fotografía.
Apus pallidus, descoñezo o autor da fotografía.
Interés:
Nidificante/Estival , de interés especial.
Os vencellos son unha axuda imporatntísima dado o que comen preferentemente moscas e mosquitos así como polillas.
Protección:
Non está protexido que eu sepa, pero é considerado como un paxaro de interés especial dende tódolos punto de vista.
Curiosidades:
A miña anécdota con este tipo de páxaros pasoume no río Cenza nun mes de maio xusto nunha ponte do río, preto da cenza. Dous vencellos non deixaban de voar sobre a miña cabeza en ataque continuo, o principio por sorpresa. Incrible. Moi asustado, despois de 6 ou 7 ataques en voo, descubrín que a un metro por debaixo onde eu estaba apoiado tiñan o seu niño. Inda non o creo hoxe. Paseino moi mal, non caín o principio que mal lles podía haber feito.
As veces vense cópulas no aire. Son aves que nunca se pousan no chan, teñen pouca pata e sería moi dificil levantar o voo, fan de todo no aire e únicamente se pousan para facer o niño ou alimentar a súa prole. Curioso.
observar as patiñas o curtas que son...
Dicen algúns libros que ata dormen en pleno voo, sobre 1000 a 2000 m. aproveitando as correntes a esa altura.
Descoñezo o autor desta sensacional fotografía.
Outra cousa curiosa son os "niños de golondrina" que tanto aprecian os chinos son en realidade niños de vencellos, feitos con saliva. Por certo os chinos comen destos niños...a verdade é que os chinos comen de todo...
Oir como canta e ampliar datos.
O seu canto é bastante raro, defeito hai xente que fala do "Canto do demo".
Ver imáxenes sensacionais do Apus apus.
Tamén neste link.
Neste link podedes oir o seu canto.
Neste lugar podedes ver videos sobre o vencello Video
Por mor da enorme lonxitude das súas ás e do curtas que son as súas patas, os vencellos comúns (salvo os adultos máis fortes) son incapaces de despegar cando están nunha superficie plana. Por esta razón, cando caen ao chan, están condenados a morrer se non atopan un lugar elevado desde o que lanzarse. Desta forma as crías de vencello común só teñen unha oportunidade para despegar, e se todo sae ben, non volverán facelo ata dentro de catro anos máis tarde, cando regresen para criar.
Se che atopas cun vencello no chan examínao para asegurarche de que
non ten feridas maiores, que non estea desnutrido ou deshidratado (ao collelo mira se se lle marcan moito os ósos do peito) e que teña todas as plumas ben desenvolvidas (que non sexa un polliño). Se o ave cumpre estas tres condicións proba a porche nun lugar elevado, por exemplo a fiestra da túa casa, e coloca ao vencejo na palma da túa man mirando cara ao exterior. A continuación move suavemente a túa man arriba e abaixo de forma que o ave senta o aire baixo as súas ás. Se o animal esta san lanzarase en picado e voará sen problemas. Se non se atrevese a lanzarse a voar é porque ou está tenso ou, tal e como dixemos anteriormente, trátase dun exemplar novo, ferido ou mal nutrido. Nese caso o mellor é deixalo nunha caixa e probar de novo á mañá seguinte. O tempo que estea na caixa podes intentar alimentalo cada hora con insectos, trocitos de carne crúa ou ata comida para cans ou gatos previamente humedecida. Recorda que non poden coller a comida do chan polo que debes alimentalos o teu mesmo. Usar un escarvadentes é un bo método. Cun pouco de sorte á mañá seguinte recuperouse e voará sen problemas. Se non fose así e o ave estivese ferida, terás que levala a un veterinario especializado ou a un centro de recuperación.
Artigo copiado e traducido deste link.
No link posto máis abaixo tendes toda unha petición para os novos arquitectos para que teñan en conta a construcción de niños adosados os edificios, convén facerlle caso tendo en conta que os vencellos non van a manchar a fachada para nada e son moi necesarios de cara a disminución dos insectos voadores como os mosquitos, moscas e polillas.
Esta é unha posible caixa nido que se pode colocar en calquera fachada
A solución é doada.
Fonte : Guía das aves de Galicia. Xosé M. Penas. Carlos Pedreira e Carlos Silvar. Tamén algúns datos o libro "Aves" , guía visual océano.
Saír
Ir a
características 
