|
 Saír
|
|
Saír
|
Nome científico Nome galego Nome castelán Dimensións Identificación Habitats Alimentación Niños Vese nos meses de... Interés Protección O seu canto Curiosidades Bibliografía Videos Fotografía
Nome científico Aquila chrysaetos
Taxonomía:
Reino: animalia
Clase: Aves
Orden: Falconiformes
Familia: Accipitridae
Xénero: Aquila
Especie : Aquila chrysaetos
Nome galego
Aguia real.
Nome castelán Aguila real.
Dimensións Sobre 76-90 cms. Cando voa e leva extendida as ás mete medo, pode chegar ata dous metros.
O seu peso está entre 3 a 6 kg.
Identificación:
É inconfundible. Sexos semellantes na cor.
Castaña oscura coa cabeza, parte posterior do pescozo e ás arrubiadas.
En voo destacan as ás longas, anchas, rectangulares. Ata dous metros pode medir coas as abertas.
Pódese confundir en voo co miñato, pero este non ten tan ancha a banda terminal negra do rabo.
Observar a fotografía.
O pico xa se ve que é negro e a cera de cor amarelo intenso é outra das características da aguia real.
Na cera están tamén as fosas nasais.
Alimentación:
Preferentemente coellos, pero tamén gusta de grandes lagartos e cobras, así como diversos mamíferos, incluso animais mortos, mesmo domésticos.
É unha cazadora marabillosa: a aguia está diseñada para cazar e neste arte non ten rival. Garras poderosas, voo incrible. As suas presas poden botar ata 7 kg. O coello é o que máis lle gusta pero na súa ausencia come de todo.
O seu voo, repito, é incrible, xogando o factor sorpresa utilizando os picados longos e rasantes para sorprender as suas pezas, aproveita os saintes da orografía como ningunha outra ave.
Habitats:
Zonas de montaña con moitos penedos. En Galicia en regresión total. Hai algunhas en zonas da serra dos Ancares e o invernadeiro, pero cada vez menos.
Tamén nas zonas preto de Portugal, onde habitan moitas mais.
En Galicia dicen que soio hai 5 parellas. Eu penso que nin eso. Dende logo na Coruña e en Pontevedra non hai ningunha parella.
A Voz de Galicia do día 8 de maio do 2005 dice que hai dez exemplares, realmente non sei que pensar, dentro dun mes son as eleccións. O que si sei é que A Xunta de Galicia (1990-2005) non fixo nada por esta gran ave...
En Portugal falan de 30 parellas.
Realmente lamentable.
Na Voz de Galicia do 22 de agosto do 2004 falaban de 5 a 7 exemplares...que foron botadas pola Xunta de Galicia. Como dice Adega "tirar caldeiros o mar", algo parecido.
A aguia ten os días contados, en Galicia o seu habitat estase a cubrir con Parques Eólicos que dan máis cartos... Lamentable.
Seica deixaron libres no Parque do Xurés unha parella; concretamente o día 15/10/2006 (seica son unha de Aragón e outro de Castela) esperemos que críen e vaian para arriba. ¡Enhoraboa!.
O parecer está prevista porlle comedeiros e suministrarlles comida a parella: coellos, perdices e algúns animais mortos. Tamén un seguimento especial da parella vía GPS e en base a combinalo coa telefonía.
Este é un anaco da noticia:
Pola súa parte, José Benito Reza destacou ante os xornalistas que a solta de aguias reais de hoxe "é emblemática por se tratar dunha ave incluída no catálogo de especies ameazadas por estar case extinguida en toda Europa".
Tamén relatou que desde fai tres anos se liberaron no Xurés catro aguias reais macho "dos que un morreu, e só outro formou parella cunha femia do veciño Parque Natural dó Geres en Portugal polo que a parella liberada hoxe é La Primera do Parque Natural do Xurés e a sexta de Galicia, onde estas aves encontraron un medio adecuado, ata agora, no sur de Lugo e a zona raiana entre Ourense e Castela-León".
Reza engadiu que o lindeiro parque natural portugués implantará en breve o sistema de seguimento das aves utilizada agora no ourensán e sinalou que a liberación da parella de aguias reais é un fito na reintroducción de especies no Xurés "xa que pode completar o éxito obtido coa cabra montesa".
Entre a fauna que se mantén na zona protexida, Reza aludiu ó lobo, o corzo, o cervo, o xabaril e o gato montés e lembrou a perda do oso pardo, ocorrida fai anos".
Xosé Benito Reza é actualmente o Director Xeral de Medio Ambiente en setembro do 2006.
Niños:
É sedentaria e ocupa territorios de hasta 100 km2.
Ten diversos niños que alterna según os anos. Os niños fainos en oquedades e paredes a gran altura.
Fai a posta en marzo, e os 45 días de incubación nacen os polos.
(1 ou 2 como máximo, os cales voan o cabo de 70 días).
As aguias forman unha parella de por vida. Fan rotación a hora das tareas e de incubar. Son incribles.
Seica non comenzan a súa reprodución ata que teñen cinco anos. Esto é un gran inconvinte para as aguias que están actualmente no Xurés e que teñen, en setembro do 2006 tres meses.
Vese nos meses:
De abril a setembro.
Pola miña banda nos últimos trinta anos non levo visto ningunha aguia, e eso que ando moi a menudo por lugares onde debera habelas: Chandrexa de Queixa, a Veiga, Prada, Randín, O Incio, O Caurel, O Xurés,... nada de nada, cero patatero.
Realmente para chorar. Eu penso que a maioría das aguias caeron baixo as escopetas...cazaban moitos coellos...realmente falta moita educación ecolóxica en Galicia, temos que aprender moito si queremos que esto se manteña mínimamente.
Tamén, seino e boa tinta, hai moitos cebos envelenados soltos polas serras de Ourense; non hai conciencia ecolóxica nin no labrador e penso que en moitos cazadores. Estos cebos envelenados para as aguias son trampas mortais...
Interés:
De interés especial. Está a punto de desaparecer en Galicia. Probablemente xa non quedan parellas en Galicia. No mapa de Arroyo e Ferreiro sobre "A aguila real en España" únicamente aparece reseñada nos Ancares.
Hoxe en setembro do 2006 rematan de botar no Xurés unha parella de aguias que teñen tres meses de vida. O parecer hai tres máis nos Ancares.
Protección:
Estrictamente protexida. Aparece citado no anexo II do convenio de Berna e no anexo I da directiva 79/409 da C.E.E.
Curiosidades:
É sen lugar a dúbidas a raíña das aves galegas, pero unha raíña moi perseguida polos "cazadores asasinos" que hai uns cantos... Según Xurxo de Vivero na súa andaina por Galicia soio viu aguia real nos Ancares e unha parella no Caurel.
A súa caza está penalizada con 750.000 pts (4.500 €). (Eu penso que a maiores o cazador debera inhabilitarse e ir a cárcere).
Canto da aguia:
Pulsando este link pode oirse a aguila.
Trátase dun link italiano onde aparecen os cantos das aves máis importantes de Europa.
Fontes :
Guía das aves de Galicia. Xosé M. Penas. Carlos Pedreira e Carlos Silvar.
Tamén o Libro "As aves". Tomo II. Atlas de vertebrados de Galicia., da colección do Patrimonio Ecolóxico.
Descoñezo o autor da fotografía. De tódolos xeitos e sin quitar méritos observar que a aguia está en cautividade.
Ir a características
