Este paxaro fágolle ficha por varios motivos, en primeiro lugar xa que se pode atopar a carón dos ríos, sempre onde teña moitas árbores; logo tamén polo seu canto que é moi curioso e capaz de imitar a outros, tamén xa que ten unha plumaxe moi chamativa e fermosa, e finalmente, teño que recoñecelo non coñecía esta ave.

Ten razón polo tanto Ramón Sineiro cando lle fai unha ficha no libro "As aves do río Gafos", cando dice que é descoñecida por moita xente.

Ver características.

Saír

Nome científico:

Garrulus glandarius

Taxonomía:

Reino: animalia

Clase: Aves

Orden: Passeriformes.

Familia: Corvidae

Xénero: Garrulus

Especie : Garrulus glandarius.

Ir a características

Nome galego:

Gaio común, pega marza.

Nota: en Portugal chámanlle Gaio,  en Cataluña chámase Gaig e en Euskadi Eskinoso.

Ir a características

Nome castelán:

Arrendajo común.

Nota: o nome de arrendajo en castelán seica ven de arrendar, e efectivamente este paxaro toma a voz prestada de outros xa que os imita perfectamente. No bosque enseguida da a voz de alarma.

Ir a características

Dimensións:

Sobre 34 cms.   Ten unha envergadura media sobre 55 cms.

Trátase polo tanto dunha ave bastante grande.

Ademáis é común.

Estarei atento a partir de hoxe para vela no bosque e fotografiala, non teño perdón...é un decir.

Xa vín a este paxaro, concretamente facendo unha ruta preto de Lovios e camiño da fervenza da corga da  Fecha.

Ir a características

Identificación:

O corpo é unha mestura de rubio e gris.

A gorxa é a zona da cloaca é branca.

As ás son incribles xa que teñen zonas azul-negro en mosaico, outra parte é negra con branco e outra parte e cinza.

A cabeza é grande en relación o corpo, ten ollos grandes, un peteiro moi considerable e uns bigotes negros baixo as meixelas. É moi curioso.

O voo semella o de unha bolboreta, trátase polo tanto dun voo bastante incerto e pesado, non me estrana que teña inimigos que aproveiten esta circunstancia como depredadores.

Ir a características

Alimentación:

Preferentemente landras e castañas. Tamén todo tipo de froitos, sobre todo de acivro, bagas de hedra, tamén coleópteros.

Ir a características

Habitats:

É bastante común en toda Galicia.

Pode atoparse en calquera lugar: fragas, soutos, carballeiras e piñeirais. Normalmente non sae destes bosques.

Pode atoparse ata 1.400 metros de altitude.

Ir a características

Niños:

Anida en árbores.

Pon entre 3 a 6 ovos azuis. Gústalle moito facer o nido nos piñeiros, pero tamén o fai noutras árbores.

Choca a femia sobre 15 días e deixan o niño os otro 20 días.

Ir a características

Vese nos meses de :

Dicen que todo o ano.

Eu dende logo non o teño visto.

De tódolos xeitos seica é a especie máis forestal dentro dos córvidos e seica moi ruidosa. Hai que fixarse, esta claro...

Nota: efectivamente si que vín o gaio concretamente no Xurés na miña última visita, ademais é bastante abondoso. É cuestión de observación e levantar un pouco a vista.

Ir a características

Interés:

Moito.

Ten a costume de enterrar as landras que atopa, o que fai que moitas delas medren na primaveira seguinte como novas árbores. Pódese, polo tanto, considerar como un sementador de bosques.

É moi ruidoso.

Ir a características

Protección:

Non está protexido.

Ir a características

Como canta:

Canto

Ten un canto bastante curioso xa que é capaz de imitar outras aves, sobre todo as dos seus inimigos como o miñato ou o azor.

Ir a características