O señor melro larpeiro
na póla máis alta está.
Está subido á cerdeira
e dela non baixará!
Está come que come,
non ten trazas de parar.
O señor melro larpeiro
sen cereixas nos ha
deixar!
O señor melro lambón,
o señor melro larpeiro,
coa enchente que colleu
ten rebentado o peteiro!
-Ai, home, non tes
vergoña?
Debes de estar a estoupar!
Coa enchente que
colliches,
como has de poder cantar?