A freixa vese moito na beira dos ríos ourensáns, concretamente no río Miño, o seu paso por Ourense, hai moitas, tanto en Reza como na desembocadura do Loña, ou en Outariz; como esta freixa da fotografía.
Tamén se ve en ríos do oriente ourensáns, como o Xares ou o río Barxa (logo Rabaçal en Portugal).
Son árbores de folla moi tupida pero moi estreita; o tronco é dereito.
A súa madeira era moi apreciada para facer mangos de ferramenta, etc. A leña é boa combustible.
FREIXA: Características
Nome científico Nome galego Nome castelán Dimensións Identificación Habitat Froito Forma das follas Tronco e madeira. Protección Curiosidades Interés Fotografías varias Bibliografía PPs. freixa Adela L e Mon Laporta. Ampliado en ------->
07/04/2014
Nome científico
Fraxinus angustifolia. (lin.)
Clase: Magnoliophyta
Orde: Lamiales
Familia: oleaceae
Xénero: Fraxinus.
Nota: angustifolia quere decir follas estreitas. Efectivamente esta árbore ten as follas moi estreitas.
Nome galego
Freixa, freixo de folla estreita.
Freixa en Outariz.
Freixa en Barxa. a Gudiña.
Freixa no "paseo das ninfas" en Ourense, a carón do río Miño.
Nome castelán NOME CASTELÁN:
Fresno. Fresno de la tierra. Fresno de hoja estrecha, fresno de Castilla.
Freixa no Paseo das Ninfas en Ourense. Río Miño.
Dimensións
Ata 25 metros. De tódolos xeitos non é moi normal que pase dos 15 metros.
Identificación:
As follas son compostas, bastante caedizas, máis ben lanceoladas. Estreitas. Enteiras na base e dentadas o resto. Curioso, tantos dentes como nervios secundarios, as veces algún dente máis.
Ten entre 5 e 13 folíolos, un deles sempre é terminal. Ver a fotografía da dereita. Ou ver a de abaixo, que ten 8 folíolos.
Os folíolos son, como xa está dito, estreitos e coas beiras dentadas.
E tamén característico os froitos en samara:
Follas e froito.
Así como tamén as flores en espigas que primeiro son erectas e logo colgan como si foran péndulos:
Non é tan alto como o fresno común. Co follaxe menos denso.
As follas moi estreitas como se ve na fotografía. Sempre cun folíolo central de terminación
A copa é alta ovoide, alongada. Trátase dunha arbore de pouca sombra.
O tronco tamén é bastante característico xa que é agrietado na súa madurez. A corteza é marrón-vermella.
Habitats:
Fotografía dunha freixa (freixo de folla estreita) na zona de Reza en Ourense onde hai uns cantos.
A beira dos ríos pero ollo máis ben na zona de Ourense e Pontevedra. Pola zona do norte non existe, salvo algunhos exemplares pola costa da Coruña.
Ou sexa, no norte de Galicia dase o freixo que é Fraxinus excelsior, e na zona de Pontevedra e Ourense tamén o freixo ou freixa que é o Fraxinus angustifolia. Ou sexa a freixa dase no centro e no sur de Galicia.
A distinción non é moi doada o tema está nas xemas que no F. angustifolia son castañas oscuras e lampiñas, mentras que no excelsior son negras e aveludadas.
Esta é a xema da freixa, tira a castaña oscura. Esta é a xema do freixo que tira a negro.
Froito:
Floración precoz entre febreiro e abril, moi pouco vistosa e pequenas. O froito é como un á oblongo-lanceolada. Realmente é unha sámara inda que a mín máis ben paréceme como unha faba.
O feito é que esta a móvea o vento e fai a súa misión.
Forma do tronco: Forma do tronco e madeira.
Na fotografía vese o tronco da freixa que é dereito e de cor parda grisácea inda que depende da edade lóxicamente. O tronco e groso e de cor grisácea
Nesta fotografía, sacada no río Lonia en Ourense vexe mellor.
Densidade Moderadamente pesada . Utilización: Mobiliário: macizo; contraplacado e folheado (elementos estruturais; paneiss e follas decorativas).
Construción: carpintaria de limpos -decoración, pavimentos e teitos; portas interiores, etc
Indústrias conexas: torneados, molduras, ornatos, escultura, etc.
Mangos de ferramentas.
Formas de calzado.
Estores e persianas.
Volver a características
Forma das follas:
Follas da freixa. Son follas estreita, de onde lle ven o nome.
Aquí vese a forma das follas que son estreitas e longas entre 15-25 cms. Pódense atopar ata 13 folliñas no mismo pau, ou sexa ata 15 folíolos, un deles sempre é terminal...
Interés:
Moito. A leña é moi boa tanto como combustible ou ben para facer carbón. A madeira utilizábase fai anos para facer mangos de ferramenta.
As follas son moi boas para o gando
Protección:
Non está protexida.
Esta da fotografía non creo que lle queden moitos días de vida. A fotografía é de xuño do 2005. Está feita en Ourense a carón do viaducto.
De feito na zona están a facer un sendeiro e xa está media desfeita co terraplén.
Curiosidades:
Freixa no paseo das ninfas en Ourense.
A cortiza utilízase como tónicas.
Outra fotografía da freixa, a beira do río MIño.
En tempos de sequía a folla do freixo metíase na palleira e utilizábase no inverno para dar de comer o gando. Efectivamente a folla cómena perfectamente as vacas.
Freixas monumentais en Galicia: FREIXAS MONUMENTAIS EN GALICIA:
Sin dudalo hai unha freixa no pobo de As Nocedas en Monforte de Lemos que ten por riba dos 250 anos, ten 6,5 metros de perímetro e mide por riba dos 18 metros. É impresionante inda que non a tratan ben, está a beira dunha estrada e un pouco descuidada, incluso o tendido eléctrico pasa entre as ramas...
¡Impresionante!.
Freixa de Montepando. O Val (As Nocedas. Monforte de Lemos)
As fotografías son do autor da www, as dimensións aparecen no libro de A Nosa Terra titulado Árbores de Galicia.
Esperemos que esta freixa non a pasen pola "serra" nos próximos días. As árbores téñeno mal en Ourense ciudade...
Freixa impresionante a beira do río Lonia en Ourense. Xuño do 2005. Neste río de Ourense ciudade, maltratado e esquecido por tódolos gobernos do Concello de Ourense dos últimos 30 anos, hai unhas freixas impresionantes. O peor é que o río está desfeito.
Freixa nun prado de Barxa, preto da Gudiña, no río Barxa ou RabaÇal en Portugal.
Follas da árbore anterior.
O tronco.
Freixa no "paseo das ninfas" en Ourense, a carón do río Miño.
Outra freixa no "paseo das ninfas" en Ourense, a carón do río Miño.
Freixa mismo na desembocadura do río Lonia no río Miño en Ourense. Eu penso que é a freixa máis grande quye hai na zona.
De tódolos xeitos peligra. Observar a fotografía seguinte...
Esta é a base da freixa anterior, as raíces a vista e o tronco un pouco torto. Eu penso que lle queda pouco.
Freixa no río Rabaçal en Gestosa (Portugal). Un exemplar marabilloso. Fot. S. Lorenzo. Maio 2014.
Freixa no río Rabaçal en Gestosa (Portugal). Un exemplar marabilloso. Fot. S. Lorenzo. Maio 2014.
Fonte: Guía das árbores de Galicia. Henrique Niño Ricoi. Carlos Silvar.
Saír
